मंगळवार, १४ फेब्रुवारी, २०१७

तिचा स्पर्श

तिचा स्पर्श
पावसाच्या पहिल्या थेंबासारखा
मोहित करणारा...........
तिचा स्पर्श 
मोगऱ्याच्या फूलासारखा
सुगंधित करणारा............
तिचा स्पर्श
वसंतातल्या मोरा सारखा
ह्रुदयात नाचनारा.......
तिचा स्पर्श
मृगजळाच्या आभासा सारखा
तृष्णा लावणारा.........
तिचा स्पर्श
श्रावणातल्या वाऱ्यासारखा
बेधुंद करणारा..........
तिचा स्पर्श
गुरुत्वाकर्षणा सारखा
 आकर्षित करणारा.......
#TrueLove
संजय एल बनसोडे

मी

त्याने
माझे
अस्तित्व
संपवण्यासाठी
मला अग्नीत फेकले ....
अन्
मी
आग
झालो.....
आता जाळतोय
त्यांच्याच
वस्त्या .....
त्यांचे
अस्तित्व संपवण्यासाठी
संजय एल बनसोडे

प्रेम म्हणजे काय असते ?

प्रेम म्हणजे काय असते ?
दोन चामड्याचा खेळ
का आयुष्यभराचा मेळ !
प्रेम म्हणजे काय असते ?
दोन मनाची वासना
का आयुष्यभराच्या वेदना !
प्रेम म्हणजे काय असते ?
दोन मिनिटाचे सुख
का आयुष्यभराचे दुख !
प्रेम म्हणजे काय असते ?
दोन जिवाचा संसार
का आयुष्यभराचा अंधार !
प्रेम म्हणजे काय असते ?
इच्छा नसतांनाही आलेल्या कळा
का आयुष्यभरासाठी लागलेला लळा !
प्रेम म्हणजे काय असते ?
एका सोबतच उपभोगलेली मजा
का आयुष्यभर वाट्याला आलेली सजा !
प्रेम म्हणजे काय असते ?
जे पण असते
ते प्रत्येकाचे सेम नसते !

संजय एल बनसोडे

जातिवादी व्यवस्था

मी तिला यशवंत मनोहरची
कविता ऐकवली
तिने तोंड वाकडे केले...
मी तिला नामदेव ढसाळची 
कविता ऐकवली
ती माझ्यावर चिडली....
मी तिला भगवान निळेची
कविता ऐकवली
ती रागावून निघून गेली...
चंद्राच्या शीतल छायत
चांदण्यात,
रानात, नाजुक फूलात
रमणारी ती....
कदाचित
तिला आमची वास्तववादी कविता
आवडली नसावी ....

संजय एल बनसोडे

बा भीमा.......

तूच दिला थारा तूच दिला चारा सोसाट्याचा मारा परि तुझाच सहारा ॥ जातिवाद दाट होता लई बाट अंधाराची वाट परि मुखी तुझा नारा ॥ तुझच हे देणं...