पेटवीण्या निघालो समतेचा दिवा
तो दिवा आहे पण त्याची वात नाही !
करावे वाटले सारी रात्र प्रकाशमय
येथे अंधार आहे पण रात्र नाही !
हाय हॅलो करणारे पुष्कळ भेटले
खऱ्या जिवलग मित्रासारखी साथ नाही !
माळावरच्या म्हाताऱ्याची शोधतो निवांत झोपड़ी
कारण, गर्दीतल्या बंगल्यात ती बात नाही !
जाळाव्या वाटतात त्या फाइवस्टार हॉटेल्स
ज्यात मडक्यात शिजलेला वरण भात नाही !
जाम खाल्ल्या गॅसवरच्या पाणचट चपात्या
तिला मायेचा हात अन् चुलीतली राख नाही !
हिरव्यागार झाडाखाली शोधतो गारगार वारा
ज्याला कृत्रिम एसीची साथ नाही !
ते लहानपणच जगावं वाटतं पुन्हा आज
जिथे प्रेमच प्रेम पण प्रेमाच्या नावावर घात नाही !
पूर्वीचेच आपले गाव मस्त होते मित्रा
जिथे फुटकी घरे पण भावकित वाद नाही !
काय जाळावे का या पैशाने माजलेल्या गावाला
जिथे द्वेषच द्वेष पण चुलत्या काकांची प्रेमाची दाद नाही !
*संजय बनसोडे -9819444028*
कोणत्याही टिप्पण्या नाहीत:
टिप्पणी पोस्ट करा