फुटला आकाशी तांबडा पाझरं
झाली झांजरं झांजरं झांजरं !!
खोप्यात पाखरू, घेई खुशीत लेकरू
गोठ्यात वासरु, दूध पिये चुरूचूरू !
गाय चाटती खुशीमंधी वासरं
झाली झांजरं झांजरं झांजरं !!
ठोकली आरोळी, बाग दिली कोंबड्यानं
धुडगूस घातला त्या, कळपात मेंढरानं !
डोळं चोळीत उठलं पोरं साजरं
झाली झांजरं झांजरं झांजरं !!
लाडी गोडी करी सखा,मैना चोरीते अंग
दाने टिपण्या पिल्ले, फिरती कोंबडी संग !
भरती नळावर कुणी त्या घागरं
झाली झांजरं झांजरं झांजरं !!
संजय बनसोडे 9819444028
कोणत्याही टिप्पण्या नाहीत:
टिप्पणी पोस्ट करा