*शातिर औलाद*
इंग्रजी विचाराने गर्भधारण झालेली
व सनातनी विचारप्रवाहात
बाळंत झालेली
ही शातिर औलाद.
जन्मतःच रक्त पिपासू बनून
चिटकली आमच्या अंगा खांद्याला.
आम्हीही तिला धिक्कारलं नाही
वाढू दिलं आमच्या अंगा खांद्यावर.
त्यांच्या नाजायज बापाने
आणल्या
परदेशातून लाखो कंपन्या
तिथेही त्यांनी आम्हांला शूद्रच घोषित केले,
आणि नाव ठेवले
सफाई कामगार, शिपाई, वाचमॅन, वर्कर
आणि ते बनले
MD, VP,GM
त्यांची पान्हावलेली माय
आजही हंबरडा फोडते
पण ते आमचे रक्त पिण्यातच मग्न आहेत.
संजय बनसोडे
कोणत्याही टिप्पण्या नाहीत:
टिप्पणी पोस्ट करा