पीकं करपलं माझं मन हरपलं
ढगातलं पाणी इथं नाही बरसलं
भेगाळल्या रानात
जाळणाऱ्या उन्हात
सांगे मन माझं गऱ्हाणी.........
तहानलेल्या रानी,पाणी दे पाणी ॥
नाही ढोरा चारा,पिसाटला वारा
थांबलेल्या ढगा, दे थोडा थारा
कडाडू दे थोडा
वाहू दे रं ओढा
झुळझुळ मंजुळ ऐकू दे कानी
तहानलेल्या रानी,पाणी दे पाणी ॥
दिलासं तू घावं तुझं सांगू कुणा नाव
पाण्यावीना कासावीसं,रान माळ गाव
येरे पुन्हा परतूनी
तृप्त कर बरसूनी
येऊ दे मुखी माझ्या सुखाची गाणी
तहानलेल्या रानी, पाणी दे पाणी ॥
संजय बनसोडे
कोणत्याही टिप्पण्या नाहीत:
टिप्पणी पोस्ट करा