घालित होतो जोहार जेंव्हा,आम्हा छळू लागली
शिकलो सावरलो थोडा आज, तर जळू लागली !
आरक्षणाने बाबाच्या, आज खुर्ची भेटली
बघून सूट बूट माझा, त्याला मिर्ची लागली !
अन्याय करण्या पुन्हापुन्हा, जंग करू लागली
ॲट्रॉसिटी न्यायाची आमुच्या, बंद करू लागली !
झालो थोडा श्रीमंत तर, आम्हा मापू लागली
हक्क छीनण्या आमुचा, सरकारवर तापु लागली !
दारिद्री खड्ड्यात पुन्हा आम्हा, लोटू लागली
खोट्याचे खरे करून पुढेपुढे, रेटू लागली !
एक व्हा रे एक व्हा, संजयाची वाणी सांगू लागली
पुन्हा जातिवादी कीड़े भोवती, रांगू लागली !
*संजय बनसोडे*
कोणत्याही टिप्पण्या नाहीत:
टिप्पणी पोस्ट करा