तुझ्या चिरेबंदी धर्माला मी खिंडार पाडले

तुझ्या थोतांड ग्रंथाचे मी धिंडार काढले
तुझ्या चिरेबंदी धर्माला मी खिंडार पाडले !
.

धर्मात किती जाती जातीत पोटजाती
दगडाचा देव तुझा माणसाची नोट खाती !
.

ते अंधविश्वास फैलावणारे मी भंडार सोडले
तुझ्या चिरेबंदी धर्माला मी खिंडार पाडले !
.

तु जातीत जातीचा करतोस किती बाट
तु माणसाच्या माणुसकीचा केलास नायनाट !
.

तुझ्या जातिवादाने आज, अत्याचार वाढले
तुझ्या चिरेबंदी धर्माला मी खिंडार पाडले !
.

तुझ्या धर्माचे ठेकेदार फेकती मायाजाळं
त्यांनी धर्मविष पाजले,तुटताच तुझी नाळं !
.

तुला बनवून धर्मोन्माद धर्मदायात ओढले
तुझ्या चिरेबंदी धर्माला मी खिंडार पाडले !..
.

संजय बनसोडे