मरेपर्यंत जळीन परी समाज हा उजळीन

भीमक्रांतीची  ज्योतं, झालो मी त्याची वातं
न्याय हक्कासाठी लढीन
मरेपर्यंत जळीन परी समाज हा उजळीन !!

.

पेटून रात दिस त्या अंधाराशी भीडलो
आले वादळ वारे तरी वैऱ्यांशी लढलो !

.

स्वप्न पूर्ण करण्या 22 प्रतिज्ञेकडे वळीन
मरेपर्यंत जळीन परी समाज हा उजळीन !!

.

पेटली प्रकाशासाठी ही भीम सूर्याची आग
विझवाल जर आगीला,होईल तुमचीच राख !

.

क्रांतीसाठी येथे एकेक भीमरत्न न्याहळीन
मरेपर्यंत जळीन परी समाज हा उजळीन !!

.

तू केले आम्हां माणूस तुझे थोर उपकार
रक्ताचेच काही येथे झाले आज गद्दार !

.

होऊन आग त्याला तुझा भीमसैनिक जाळिल
मरेपर्यंत जळीन परी समाज हा उजळीन !!.

.

भीमकवी संजय बनसोडे