मी विद्रोह नावाचं शस्त्र हातात घेतलं

## मी विद्रोह नावाचं शस्त्र हातात घेतलं ##

अंधाराने बरबटलेल्या रात्रीत
मी चाललोय
श्मशानात
मेलेल्या मुडद्यांना जागे करायला.
काही अक्कल शून्य
समजतात मला अधम.
तरीही मी अनभिज्ञ रस्त्यातून
चाललो
श्मशाने तुडवित.
दिसेल त्या मढ्यावर
मारतो फटकारे.
आणि
दाखवतो त्यांना उद्याचा सूर्य
त्यांच्या अस्तित्वाला नष्ट करणारा.
पण,
जागतील ते मुडदे कसले ?
मीही थकलो नाही.
त्यांना सतत डिचवत राहिलो
कारण,
मी विद्रोह नावाचं शस्त्र हातात घेतलं.

संजय बनसोडे